Kiribil Konpainia

PHOTOCOUVULULEeus

Crowfunding HEMEN!

Kiribil konpainia, ipar euskal herrian kokatua da. Umeei zuzendutako proiektu kultural eta artistikoa eskaintzeko asmoarekin sortu da. Gure lana bereziki haur ttipiei zuzentzen zaie, 3 hilabetetik goiti.Euskal kultura eta hizkuntza geure konpainiaren ezaugarri nagusiak dira. Gure sustraietan oinarrituz, desmartxa garaikide batean gaude, artea, sentsibilitatea eta idekidura jorratuz. Geure sorkuntza bakoitzak, gizakien sentsibilitate eta emozionetan murgiltzen gaitu.

Konpainiak bi ardatz nagusi jorratzen ditu : sorkuntza artistikoa eta euskal haur eta gazte literatura, Amaia Hennebutte, konpainiaren zuzendari artistikoa, idazle eta ilustratzailea izanki. Harreman sakon batek elkartzen ditu, eta ondorioz, ikuskizun sorkuntzekin lotura dauzkaten arte liburu objektu berezi batzu asmatzen ditugu beti.

Hala nola, « iZ » eta « Nundik » doazkion arte-liburuxken bilduma bat asmatu eta sortu dugu. Publikoari eta eskolei eskainia zaio, emanaldiari sentsibilizazio eta luzapen gisa.

Kiribilek « LiburuZ Buru » proiektua asmatu eta bultzatu du ere, euskal haur literatura familia guztiei lau haizetara zabaltzeko asmoarekin : euskal irakurketa eta idazketaren gune ibiltari bat, edozoin ekitaldietan plantatzen ahal dena (liburu azoka, kultura ekitaldi, herriko bestak…), albuma batzuen irakurketa musikan eskainirik, ume batzuendako lehen « ikusle » esperientzia egiteko parada ere.

Publicités