Konpainia

Kide iraunkorrak.

Amaia HENNEBUTTE.
Konpainiako zuzendari artistikoa eta antzezlea da. Betidanik lotura berezi bat izan eta atxiki du haurzaroarekin.

19 urtez, ikastoletan andereñoa izan da, maila guztietan : 2 urteko ttiki-ttikietatik, 12 urteko handiak arte. Antzerkia, dantza, mimoa, klown-a eta boza formakuntza desberdinak jarraitu ditu, hainbat urtez, euskal-herrian bertan, Bordalen, baita ere Parisen, hala nola klown Samovar » eskolan, edo Mimo eskola Internazionalan.

Euskal haur literaturan idazle eta ilustratzailea da ere. 2000. urtean bere lehen albuma argitaratzen du : « Panso » eta azkena « Lili » laister argitaratuko da. Bederatzi obra argitaratuak ditu gaurregun. Batzuk IKAS argitaletxearekin (Euskal Zentro Pedagogikoa), orduan, euskara erakatsia den eskola guztietan urririk eskainiak izan dira ! Batzuk ikuskizunen oinarritzat harturik : hala nola « Lodikroko » « Oa-Huetak » izenburu berriarekin, ELIRALE dantza garaikide konpainiarekin, edo H. (Biarritzeko Maitaldian programatua izan dena 2012-an), baita ere « Otso » Théâtre des Chimères konpainiak egokiturik.

Bere konpainia sortzen du 2011. urtean : Kiribil umeei zuzendutako proiektu kultural eta artistikoa eskaintzeko asmoarekin, bereziki haur ttipi-ttipiei zuzendu nahian, 3 hilabetetik goiti.

2015. urtean, KIMU sariari esker, haur arte ezenikoen ezagutza sakontzen du, baita formakuntza ainitz jarraitzen, adibidez, Roy Hart, bozari dedikatzen zaion zentro artistiko internazionalean.

Paxkal INDO

30 urtetik, Euskal sorkuntzan murgildua bada, musikari gisa hasi zituen bere lehen esperientziak. Diziplina askotan trebea da, eta proiektu garrantzitsu askoren oinarria izan da, hala nola « Aldudarrak Bideoak », « Kanaldude » , Errobiko Festibala », Itsasun. ZTK argitaletxea eta produkzio etxea sortzen du Baigorrin, eta ondorioz, ikuskizunen antolatzaile bilakatzen da ere : “Animalien Ihauteriak”, “Aitarik ez dut” edo « Lau Sasuak »… Kiribil Konpainia sortzen lagundu du ere.

C4-T2 su-artifizialetan Diplomatuta, emanaldiak sortzen ditu, txalaparta, musika eta suak elgarlotuz.

ZTK argitaletxearen buru da, musika eta literatura arloetan.

« iZ » emanaldian, argien sortzailea da. « Nundik » ikuskizunan, musikaria da, eta zuzenean jotzen du.

Jean-Philippe Leremboure.

Koregrafoa, dantzaria, taula zuzendaria eta antzezlea da.René Simon klaseetan, Parisen, formatzen da, baita ere Paris III-ko Censier unibertsitatean. Koregrafo askorekin jarraitzen du bere formakuntza, eta Alberte Raynaud-en garaikide dantza konpainian sartzen da, eta hamar urtez egonen. Dantza garaikide erakasle izan da, Ecole Nationale de Cirque de Rosny -an, C.N.A.C -ean Chalon-en-Champagne-n, ENSATT eskolan Lyon-en, Joe Bithume  konpainian Angers-en. Konpainia askoren koregrafoa bilakatzen da Cie du Papillon, Ensemble Fa7, Schpouki Rolls, Claudia Stavisky  Kaleko antzerki formakuntza zuzentzen du ere, Jo Bithume »-ekin.

2003. urtetik goiti, Otxozelaieko harpeen gunearen zuzendaritza artistikoa, eta kultural programatzailea bilakatzen da, 10 urtez.

« Syrtes »konpainiaren buru da, Corinne Lallemand antzezle eta taula zuzendariarekin, eta artisten egonaldiak eskaintzen dituzte gaurregun Ziburun, Espeletenia » deitutako gunean.

« iZ » eta « Nundik » ikuskizunen taula zuzendaria izan da, baita Kiribil-en sorkuntza berriarena izanen ere Lankidetzak.

Jesus Aured.

Akordeoi kontzertu jolea, kantaria eta konpositorea da. Beti ikerketa eta berrikuntzak xerkatzen ditu, sorkuntza eta improbisaketa munduetan murgilduz.

Bere sensibilitatea eta kuriositateak, kolaborazio hainbat desberdin egitera bultzatu ditu, bai musikari, dantzari, antzezle, kondalari, pintore, poetekin…

Aritu izan da hainbat artistekin, hala nola Beñat Achiary, Bernard Lubat, Michel Doneda, Dominique Regef, Majid Bekkas, Paul Rogers, Thierry Madiot, Carlo Rizzo, José Le Piez, Gonzalo Tejada, Serge Pey, Georges Bigot, Gael Domenger, Didier Bourda Festibal ainitzetan parte hartu du ere, hala nola : Uzeste, Errobiko Festibala, Xiru, Itza Pitz, les Chantiers de Blaye…

Kiribil Konpainiaren sortzetik, hainbat proiektuetan parte hartu du. « iZ » ikuskizunean, espazioa eta denbora oinarritzen ditu, boza eta musikaren bidez.

Jean-Paul GOIKOETXEA, izengoitia : «  Goiko ».

Hego Ameriketan, ehungintza ezagutzen du Guatemalan.

Urruñan bizi da, eta ehule bilakatzen da, 1990. Urte arte, otia ezagutu arte ! Orduan, haren zizelketen materia bihurtzen da otia.

Hutsunetik abiatzen da, eta isiltasunean, Naturak eskaintzen dionarekin jostetan ari da. Adarrak moztuz eta kenduz, zizelketak sortzen ditu.Batzuk animale itxura daukate, beste batzu gizakiarena. Batzuetan lurrean pausaturik, bestetan airean zintzilik, haizearen mugimenduan kulunkan, bizirik balire bezala itxura daukate…

Publicités